خطاب المضمون الى القارئ

اخى الانسان .. نحن نعيش فى عالم واحد .. ارض واحدة .. وسماء واحدة .. ولا يوجد بدائل غيرها متاحة .. اما ان نعيش سويا ونعلم ان هذا هو الرابط الاهم بيننا ونحافظ عليه ونحميه .. واما ان نفنى جميعا .. عالمنا يتسارع بشكل ملحوظ .. حدة صراعاتنا تتفاقم بشكل ملحوظ .. الخوف من الحاضر و المستقبل يتزايد بشكل ملحوظ .. وتشعر انك وحدك من يلاحظ ذلك .. او انك الانسان الوحيد الذى يعانى من ذلك .. ولكنى احب ان اطمئنك انك لست الوحيد .. تشعر دائما انك محاط بالاعين ، بالمؤامرات ، بالاحقاد ، بالسموم .. وفى جلسة صفاء مع نفسك .. تقول " لا .. انا اتوهم كل ذلك .. فالعالم كله ملكى .. وانا سيده .. وسوف افعل ما اريد

 وقتما اريد كيفما اريد " وتبتسم ثم تنام .. تستيقظ فى اليوم التالى فتجد عناء ما تخلصت منه البارحة قد عاد من جديد يلقى بظلاله على عقلك ووجدانك .. فتفكر فى الاعين والمؤامرات والاحقاد والسموم .. فتتكدر حياتك دائما بهم .. اذا حدثت احدهم عن المؤامرة يتهمك بالخبل .. واذا حدثت اخر اشاد بواقعيتك .. ولكن اذا حدثت نفسك ستجدك فى حالة بين بين .. او كما اسميها " اللايقين المتيقن " .. تستبعد المؤامرة وانت تشاهد كل شواهدها امامك .. وتؤمن بها وانت لا تعرف ادنى تفاصيلها .. هل فكرت يوما .. هل هذه هى الحياة فعلا صراع ، ومؤامرات ، واحقاد ، وسموم ،وقيود .. ام ان هناك من يلعب بمفاتيحها

لتصبح بهذا الشكل ؟!

مشهد النجاح و فشل الأنظمة

 جلسا معا يشاهدان قرص الشمس الأحمر وهو يسقط نحو الأرض من بين أعمدة البهو ، قال له : بس متأخذنيش ياخواجه . أنت مش كده تبقى فشلت؟ رفع رأسة و نفض التراب من يديه بعد أن رمى البوصة الصغيرة التي كان يعبث بها في التراب . و رد بإبتسامة لها مغزى . _ وأنت يعني اللي نجحت ؟ - لأ أحنا عندنا مش مشكلة. - ازاي بقى يا فالح؟ - كل واحد ابوه من وهو صغير بيقعد يقوله . ابقى قابلني لو

فلحت. والله ما انت نافع وحاجات زي كده يعني . زي ما تقول بيحضرونا من بدري . وفي الاخر الواحد برضه مؤمن بالجنة و النار وان الدنيا اصلا فاشلة و متاع قليل و لسه عنده فرصة ينجح في الاخرة ؟ صمت لثوان ثم وضع ذراعه على كتف صاحبه و نظر نحو الشمس .

. - لا أنا و لا أنت فشلنا . حتلاقي ناس زينا كتير . شطار قوي . بس ع الرف . معظمهم نجحوا قوي في حاجات كتير و فشلوا قوي في حاجات كتير بعدها عارف ليه؟ - ليه؟ علشان الشطار بيحاولوا باجتهاد جدا فبينجحوا في فهم الانظمة جدا و في الاول يدوقوا حالوتها . بس علشان هما شطا

ر قوي بيدخلوا جواها قوي لحد ما يكتشفوا مشاكلها و مصايبها . لما تكون الأنظمة كلها مبنية غلط . الاحرار و الشطار بيوصلوا للعيوب بسرعة . أنما الغبي و الجاهل بيفضل يكذب على نفسه و يقول لأ دي مش عيوب. يعني اللي فاكرهم

ناجخين هما بس مبررين لنهفسهم الفشل على أنه نجاح. لما تبقى الانظمة مغلوطة ميبقاش فيه نجاح . كله فشل بس فيه ناس مزوقاه.

مرت خيالات سوداء من أمام قرص الشمس . رجال و نساء و اطفال يحملون اشولة و يسحبون جاموسة . بدوا كالحشرات السوداء الضغيرة على خلفية القرص الاحمر و هو يكاد يتلاشى في الارض بين العمودين .